أنا الخبر ـ كود
البارح السبت كان ماتش واعر بين الوداد والرجاء البيضاويين في كازا برسم إياب ثمن نهائي كأس محمد السادس لي كينظمو الاتحاد العربي لكرة القدم. وسالا الماتش لصالح الخضرا.
الفرحة ديال الجماهير الرجاوية كانت كبيرة، وكاين فنانات ماكيخبيوش الانتماء ديالهم وعبرو على فرحتهم بفوز فريقهم بحال دنيا باطمة وأسماء لمنور.
باطمة حطات ستوريات في انستكرام كتغني أغاني الراجا، ولمنور حطات تصويرة من الماتش وكتبات “الله وأكبر.. في ظروف سيئة، عدم اليأس.. والمش مكيخافش”، وحطات بوسط فانستكرام ديالها كتبات فيه: فخورة بأبناء بلدي أفضل جمهور رياضي في العالم تحية لل : #green_boys و #winners وكل من أتحفنا الليلة بلوحات سيذكرها التاريخ . هارد لك لأصدقائي الوداديين كنتم رائعين كالعادة ويحق لكم رفع رؤوسكم فهذه سنة كرة القدم، وتحية لوليدات الخضرة منزلتوش يديكم بقيتو صامدين الى الدقيقة 95 . برافو وليدات كازا ولكل المغاربة، وهنيئا للرجاء العالمي.