الشيخة طراكس كدافع على اختيارها الشطيح والغنا: “عندي دبلومات ولكن مانفعوني بوالو”

المصدر// كود

الشيخة فاطمة الزهرا المعروفة بطراكس خرجات في تصريحات جديدة كتفسر دخولها مجال الشطيح والغنا وكتدوي وهي معصبة ومفقوصة.

المراكشية قالت أنها عندها دبلومات كثيرة وخرجات تشطح وتغني في الكباريات حيت مالقاتش خدمة في مجال التخصص ديالها.

مع واحد النوع من المغاربة المتخلفين ولاو ليوم يحللو ويحرمو ويتنمرو، وعكس جدودهم ولا عندهم مشكل مع الشيخات، الطراكس ولات في كل مرة مضطرة تبرر اختياراتها للناس.

وقالت في اللقاء الصحافي أنها غادي تخدم دابا وتعطي جهدها كامل باش تجمع الفلوس وتوفر ليها ولعائلتها حياة كريمة، وملي تكبر غادي تمشي ترتاح وتعقل على راسها.